|
Sjónligt og virkið Býarbókasavn |
 |
 |
 |
|
Týsdagur, 27 Mars 2012 09:22 |
 Eitt sjónligari og virknari bókasavn er ivaleyst tað, sum stendur týðiligast í huganum, tá vit eftirmeta 2011 á Býarbókasavninum í Havn. Hetta var árið, tá Býarbókasavnið víðkaði um síni hølir við at innrætta í veghæddini. Her eru nú ljós og rúmlig hølir, har til ber at sita og lesa bløð og tíðarrit og drekka ein kaffimunn og kanska fáa sær ein ís frá íscaféini Nero, skrivar Býarbókasavnið í ársfrágreiðingini fyri 2011.
Tað er eisini at fegnast um, at talið av brúkarum á Býarbókasavninum, eins og á øðrum bókasøvnum, er støðugt vaksandi.
Við árslok høvdu 85.000 fólk verið inni á gólvinum á Býarbókasavninum. Hetta er ein øking í mun til árini frammanundan, tá tølini vóru 82.862 í 2010 og 80.679 í 2009.
Øll ársfrágreiðingin kann lesast her. |
Ársfrágreiðingin hjá Landsbókasavninum fyri 2011 er nú almannakunngjørd.