Norðurlendska bókasavnsvikan 2011

14.-20. november verður Norðurlendska bókasavnsvikan. Norðurlendsk bókasavnsvika hevur í ár 15 ár á baki, so 15 ferðir higartil eru Norðurlond sameind í upplestri og hugna í kalda og ruskuta heystinum.

Mánadagur 14. november verður, sum siður er, hin stóri upplestrardagurin við tiltøkunum Dimmalætting fyri børn og Skýmingarløta fyri ung og vaksin. Óalment heimset verður sett, tá luttakarar á fleiri enn 2000 støðum í 8 ymiskum londum úr Norðurlondum og Baltalondum lesa upp samstundis á teirra móðurmáli.