Landsbókasavnið skipar fyri bókasavnskunning eftir umbøn frá eitt nú skúlaflokkum, fólki, sum er undir útbúgving, fjarlesandi, feløgum og øðrum áhugaðum.

Endamálið við kunningini er:

• at greiða frá Landsbókasavninum og lánireglunum
• at gera vart við, hvat Landsbókasavnið kann bjóða lánarunum
• at læra luttakararnar at brúka bókasavnið, leitiskráir o.s.fr
  

Kunningin, ið varir umleið 1 tíma, er ókeypis.

Landsbókasavnið skipar eisini fyri serligum skeiðum í leiting eftir bókmentum, greinum o.ø.
Hesi skeið eru ætlað starvsfólkum, lærarum og næmingum, sum hava tilknýti til verkætlanirnar
E-tilfeingi og EBI.

Harumframt skipar Stovnstænastan fyri kunning í leitiskipanini Aleph fyri stovnum, sum eru undir hesi tænastu.

Onnur longri bókasavnsskeið mugu bíleggjast og má avtala tá gerast um tíð, stað og prís.

Ringið á telefon 31 16 26 og biðið um kunning ella skrivið til teldupostadressuna utlan[kurla]flb.fo