(Gomul tíðindi) At júst bókasavnið, ella námsfrøðiligi tænastudepilin, hevur stóran týdning í skúlanum, er eingin ivi um. Tí taka vit fult undir við tí, sum landsstýrismaðurin sigur um júst hetta mál, skrivar Magnus Tausen, formaður Føroya Lærarafelags í Skúlablaðnum.

(Gomul tíðindi) Í sambandi við at tað í komandi viku er "Norðurlendsk bókasavnsvika" skipar Landsbókasavnið fyri almennum tiltaki mánakvøldið 12. november kl. 19.

Á skránni verður upplestur, fyrilestur, tónleikur og framsýning.

(Gomul tíðindi) "Nógvastaðni í grannalondum okkara er framvegis bókasavnstænasta við bókabussum, til íbúgvar, sum búgva fjarskotið frá nærmasta bókasavni."
Les meira á portal.fo

(Gomul tíðindi) Í skrivi til allar fólkaskúlar skrivar Jógvan á Lakjuni landsstýrismaður í mentamálum m.a.:

"Ein partur av uppalingini er at læra barnið at leita sær vitan. Foreldur og stovnar eiga at nýta bókasavnið sum ein natúrligan tátt í menningini hjá barninum, soleiðis at barnið venist við at vitja bókasavnið."

(Gomul tíðindi) Hóskvøldið 24. mai skipaði Landsbókasavnið fyri almennum tiltaki, har Anna Maria Fossá, deildarleiðari á Náttúrugripasavninum, helt fyrilestur um føroyskar blómur. Beinleiðis orsøkin til fyrilesturin var, at í løtuni er á bókasavninum ein framsýning av tekningum av føroyskum blómum, sum Bárður Jákupsson, listamaður, gjørdi til bókina hjá Dorete Bloch, ‘Litflora’ (1981).

(Gomul tíðindi) Mikudagin 20. juni 2007 fer Høgni Hammershaimb Debes, cand.scient. at verja Ph.D.-ritgerðina "Phytoplankton and Zooplankton Interactions on the Faroe Shelf" við Fróðskaparsetur Føroya. Ritgerðin liggur alment frammi á Landsbókasavninum.

(Gomul tíðindi) Mentanarnáttina 1. juni hevur Landsbókasavnið opið.

Á skránni er ein framsýning, upplestur og tónleikur.