|
Dimmumyndir á Landsbókasavninum |
 |
 |
 |
|
 Í sambandi við mentanarnáttina letur Ole Wich framsýningina "Dimmumyndir - at tekna blaðið" upp á Føroya landsbókasavni fríggjakvøldið 6. juni. Sýndar verða fram myndir, sum Ole Wich hevur gjørt til Dimmalætting frá aug. 2005 og fram til í dag.
Flestu myndirnar eru tekningar, ið eru teknaðar við hond og síðani viðgjørdar við teldu. Tær hava verið prentaðar í Skáanum, Blogguni og í Punktum.fo í Dimmalætting.
Framsýningin letur upp klokkan kl. 20.00, og Landsbókasavnið hevur opið til kl. 22.00 hetta kvøldið.
Framsýningin verður standandi til 30. september.
|
