Leikrit

Yvirlit yvir leikrit og leikir á føroyskum.
Savnað og lagt til rættis fyri MáF hevur Sverri Egholm í sasmstarvi við Føroya Landsbókasavn o.o.

Inngangur og vegleiðandi viðmerkingar

Yvirlitið yvir leikrit/handrit á Landsbókasavninum, skráir og annað tilfar í egnum
og annara goymslum eru støðið undir hesi bráðfeingisskrá yvir leikrit á føroyskum.
Eyðvitað vanta leikrit og upplýsingar um uppaftur fleiri leikir.
Vit taka framvegis hjartans fegin ímóti rættingum, ískoytum og uppskotum, so at
næsta útgávan verður okkum øllum eitt betri amboð. TAKK fyri!

Innihaldið er skipað í:

  1. Leiktitlar

  2. Høvuðsskrá: [ A - G ] [ H - M ] [ N - Z ]

1. Leiktitlar eru lættari at minnast enn høvundar.
Í titlarøðini verður við > víst til navn/heiti í høvuðsskránni.

2. Høvuðsskráin er sett upp í stavrøð eftir:

Er leikritið prentað/givið út, so stendur útgávuárstalið eftir tittulin/umsetaran.
Nakrir leikir komu (fyrstu ferð) á prent í Tingakrossi (stytt TK:árstal:nummar),
í Varðanum (Varð:bindtal:síðutal) ella øðrum bløðum og bókum.

Flestu leikritini á Landsbókasavninum (FLB) eru frá seinastu 30 árunum.
Við leikrit, sum eru í handritasavninum á FLB, er viðmerkt handritanummar (dømi: E-314-b).

Har, tað hevur borið til, er upplýst, hvussu mangir (Kvinnuligir og Mannligir) leikarar eru í leikinum.
Fleirstaðni er sett við, hvørt leikur er Barna- og ungdómsleikur, Skemtileikur ella Útvarpsleikur.
Somuleiðis nær og hvar leikur varð framførdur - har eg havi fingið hetta upplýst.
Dømi: Hvn 1893,32; Sndv 2? = leikurin er spældur í Havn í 1893 og 1932 og í Sandavági í 1920árunum.

Árstølini í hesi øld eru skrivað við teimum báðum aftastu tølunum (93 = 1993).
Er seinna talið ivasamt, stendur ? í staðin.
Stendur ? aftanfyri talið, t.d. 27?, merkir tað, at leikurin er spældur umleið 1927.
Sí annars styttingar.

Nøkur av hesum nevndu leikritum fáast helst ikki til láns - okkurt finst ikki longur.

Fólk kunnu venda sær beinleiðis til Landsbókasavnið (tlf. 11626), sum eisini hevur væl
av útlendskum leikum, umframt bókmentir um leiklist yvirhøvur, leiklistasøgu, pallgerð,
uppseting av leikum osfr.

MáF- skrivstovan hevur eisini nakað av tilfari, og er altíð til reiðar við ráðum og leiðbeiningum.
Vit hjálpa eisini við at finna fram og útvega leikir. Ringið tlf. 15624.

Í Havn 19. oktober 1996

MEGINFELAG ÁHUGALEIKARA FØROYA
Sverri Egholm

Styttingar:

Bakka! 
+o     = og onnur (leikfólk, høvundar)
&      = og, saman við
b      = barn/børn
B      = barnaleikur
E      =    handritasavnsmerking á FLB
F      =    handritasavnsmerking á FLB
FLB    = Føroya Landsbókasavn
Fu     = í Fuglafirði
FuS    = Fuglafjarðar Sjónleikarafelag
Gø     = í Gøtu
HK     = í Havnar Klubba (Teatursalinum)   
Hósv   = í Hósvík
HS     = Havnar Sjónleikarfelag
Hvlb   = í Hvalba
Hvlv   = í Hvalvík
Hvn    = í Havn
K      = konufólk
Kl     = í Klaksvík
Kolf   = í Kollafirði
KS     = Klaksvíkar Sjónleikarafelag
Kví    = í Kvívík
LF     = Leikarafelag Føroya
M      = mannfólk
Miðv   = í Miðvági
NH     = (í) Norðurlandahúsinum
Nóls   = í Nólsoy
osfr.  = og so framvegis
S      = skemtileikur
s.     = síða/blað/síður
Sa     = á Sandi
Sjónl  = (í) Sjónleikarhúsinum, Havn
Skop   = í Skopun
Sndv   = í Sandavági
Str    = á Strondum
Sørv   = í Sørvági
TK     = Tingakrossur (:árstal: nummar)
Tvør   = á Tvøroyri
Ú      = útvarpsleikur
Ums.   = umsett hevur
Útg.   = útgivin/útgáva/útgevari
Vá     = í Vági
Varð   = í tíðarritinum Varðanum (:bind:síðu)
VáS    = Vágs sjónleikarafelag
Vlb    = á Velbastað
Vstm   = í Vestmanna