Forsíða
Vælkomin á hesa heimasíðuna, sum er ætlað skúlanæmingum, ið eru komnir í ta støðu, at teir skulu skriva eina uppgávu.
Her ber til at lesa, hvussu tú fert í holt við fyrireikingarnar til uppgávuna, og so hava vit savnað nøkur leinki á Internetinum, har tað skuldi borið til at funnið tilfar ella fingið góð hugskot ella íblástur.
Endamálið við síðuni er serliga at eggja næmingum at brúka bókasøvnini, eisini tá ið teir skriva uppgávu. Bókasøvnini eru jú á tremur av tilfari um alt, ið hugsast kann.
Heimasíðan er ætlað næmingum á framhaldsdeild fólkaskúlans og næmingum á miðnámsskúlunum.
Góða eydnu við uppgávuni!
